(1) Por la scora taliana, todëscia y di paîsc ladins vëgnel metü sö le comitê provinzial de valutaziun dl sistem scolastich respetif; i componënć de chësc comitê vëgn nominà dala Junta provinziala.
(2) Vigni comitê é metü adöm da porsones espertes cualificades tl ćiamp dla formaziun y dla valutaziun; almanco n chert di comëmbri vëgn chirì fora defora dla scolina y dla scora dla provinzia, di Istituć pedagogics dla provinzia o dl’aministraziun provinziala. Te vigni caje ne po le numer di comëmbri nia ester plü alt co diesc. 13)
(3) I comitês provinziai coordinëia süa ativité tres incuntades aposta che vëgn tignides almanco dui iadi tratan l’ann de scora y colaborëia cun le sorvisc nazional corespognënt sciöche inće cun istituziuns analoghes da foradecà.
(4) I comitês provinziai se jô de zëntri de sorvisc operatifs por realisé sües ativitês.
(5) Les competënzes, la sënta y l’organisaziun de vigni comitê provinzial y di zëntri de sorvisc operatifs de sostëgn vëgn stabilides cun regolamënt d’esecuziun.
