(1) La valutaziun dl sistem scolastich provinzial vëgn realisada tles formes dl’autovalutaziun dles scores y dla valutaziun esterna da pert dl comitê provinzial dè dant tl articul 17.
(2) Les scores autonomes relevëia so rendimënt cun prozedöres y mosöres adeguades y se autovalutëia meton a confrunt, inće cun l’aiüt de na consulënza da defora, i resultać arjunć cun i obietifs metüs dant te so plann dl’oferta formativa, sciöche inće cun i standarg dl imparè che reverda les competënzes dles scolares y di scolars y i standarg dla cualité dl sorvisc stabilis aladô dl articul 5.
(3) La valutaziun da defora dess relevè y valuté l’efiziënza y la faziun dl sistem scolastich te süa totalité, te sües articolaziuns y scores, les faziuns dles dezijiuns de politica scolastica y normes de lege tl ćiamp scolastich sciöche inće l’idoneité di programs, dles sperimentaziuns y de d’atres scomenciadies por garantì la cualité dl’oferta formativa. La valutaziun vëgn fata tl contest nazional y internazional adoran danter ater indicadus, prozedöres y stromënć che vëgn adorà ti paîsc desvalis.
