g) Lege provinziala di 13 de forà dl 1997, n. 41) —
Intervënć dla Provinzia Autonoma de Balsan-Südtirol por le sostëgn dl’economia

(1)Por valorisé la produziun provinziala de düć i seturs economics daìte y defora dal marćé intern europeich, por slarié le marćé y abiné dimenjiuns produtives otimales, promöi la Provinzia chëstes scomenciadies:

1. stüdi, inrescides y consulënzes por abiné informaziuns d’ütl por la conescënza y la penetraziun sön i marćià daìte y defora dal marćé intern europeich,
   
2. realisaziun y partezipaziun a mostres, fieres y manifestaziuns de valorisaziun produtiva daìte y defora dal marćé intern europeich,
   
3. l’assiguraziun di risć di credić d’esport.
   

(2) La Provinzia po realisé diretamënter y a sües spëises les scomenciadies preodüdes dal coma 1, lëtres a) y b), o dè l’inćiaria a terzi y ti rete a d’ëi les spëises albüdes.