(1) La Provinzia autonoma de Balsan-Südtirol, da chilò inant nominada Provinzia, promöi le svilup di seturs economics dla industria, dl artejanat, dl comerz, dl turism y di sorvisc y particolarmënter de so valur ajuntè y dla concurënza, inće a livel internazional, aladô dles normes dla Comunité Europeica y dles esigënzes dl’ecologia y dla sconanza dl ambiënt, dl bojëgn de garantì n ambiënt de laûr a bëgn dla familia, de n svilup balanzè dl’ocupaziun, dla promoziun dl ses sotrapresentè, di bojëgns de sconanza dl laûr, dl’igiena y dla segurëza pro le laûr.2)
(2) Chësta lege ne vel nia por les aziëndes agricoles, ater co i articui 7, 8, 9 y 10.3)
(3) Les normes comunitares varëntes tla materia de aiüć statai por i seturs sensibli sciöche chi dl acià, dl ćiarbun, di trasporć, dles fires sintetiches, dl'industria dl auto, dla costruziun de bastimënć y dla pëscia, ne vëgn nia azicades da chësta lege.
L'art. 1, coma 1, é gnü sostituì dal art. 16, coma 1, dla l.p. di 8 de merz dl 2010, n. 5.
L'art. 1, coma 2, é gnü sostituì dal art. 24, coma 1, dla l.p. dl 1 d’aurì dl 2009, n. 1.