(1) Per judé a miuré y modernisé majons y cuatieres per feries fitedes privatmënter possel unì cunzedù cuntribuc.
(1) I cuntribuc possa unì cunzedui per ntervënc struturei a chi che fita via majons per ghesć y cuatieres per feries aldò dla lege provinziela di 11 de mei 1995, n. 12, y mudazions suzessives, a cundizion che chësta atività vënie dejëuta da almanco doi ani dan la prejentazion dla dumanda. Cuntribuc per aredamënc y per ntervënc de ublianza per despusizions de lege possa unì cunzedui a pië via dala detlarazion dl’atività. 2)
(1) I cuntribuc nunziei tl articul 1 possa unì cunzedui te na mesura de al plu 50 percënt n basa ai criteres dl articul 2 dla lege provinziela dl 22 de utober 1993, n. 17. 3) .
(1) La dumandes de cuntribut ie da prejenté al ufize provinziel respunsabl y muessa vester njuntedes da chisc documënc:
(1) La Jonta provinziela determinea l amudlé dla spëises lascià pro y cunzéd i cuntribuc.
(2) I cuntribuc ne possa nia unì cunzedui, sce per l medemo proiet iel bele unit dat n auter sustëni publich ti ultimi cin ani.
(1) I cuntribuc vën paiëi ora te n sëul iede n basa ai custimënc di nvestimënc stluc ju definitivamënter y documentei.
(2) La documentazion dl’esecuzion regulera di lëures o dla compres possa unì azerteda n basa a cubites y ala detlarazion fata dal damandënt dl sustëni, che i nvestimënc ie unic fac regularmënter.
(3) L azertamënt dl dejëujamënt reguler di lëures y dla compres possa nce unì fat tres n protocol de sëuraluech y de culaudeda, scrit dal diretëur di lëures te na maniera detalieda y basà sun la situazion ala fin di lëures.
(4) Sce i custimënc efetives ie plu basc dla spëises lascedes pro, vën l cuntribut arbassà n proporzion y calculà da nuef n basa ai custimënc efetivamënter abui.
(5) I lëures muessa unì finei via tl lim de cin ani dala data de comunicazion dla cunzescion dl cuntribut.
(6) Chësta disposizions possa unì aplichedes nce ala dumandes bele apurvedes, ma mo nia paiedes ora. 5)
(1) L cuntribut vën revucà y scudì defin cun la njonta di fic legai aldò dla modaliteies dl decret legislatif dl 26 de fauré 1999, nr. 46, sce la destinazion di locai per chëi che l ie unit dat n cuntribut vën mudeda tl lim de tëmp de cin ani dala data dla fin di lëures. 6)
(2) L ufize provinziel cumpetënt paia mé ora i cuntribuc sun do che l ie unit prejentà na detlarazion, te chëla che l benefizier dl cuntribut se mpënia de mantenì la destinazion di locai per la dureda de cin ani detlaran oradechël de ne avëi giatà degun sustëni finanziel publich tl tëmp de cin ani dant; la sotscrizion sot ala detlarazion muessa vester autenticheda.
(3) La tramudeda dl eserzize de fitamajons te n eserzize d’albierch ne reprejentea deguna mudazion dla destinazion aldò dl coma 1.
(1) I mesuns che ie da mëter a disposizion tl bilanz de previjjion dla Provinzia per l’aplicazion de chësta lege vën stabilìi uni ann aldò dl articul 6, coma 1 dla lege provinziela dl 26 d’auril 1980, n. 8 cun lege finanziera.
(2)Tl ann 1993 vëniel adurvà i mesuns che ie unic stanziei tl bilanz de previjion per l’aplicazion dla lege dl 10 d’agost 1988, n. 29.
(1) Cun l jì n forza de chësta lege ie la lege provinziela dl 10 d’agost 1988, n. 29 abrogheda, ma per dumandes bele lascedes pro vëniela mo aplicheda.
Chësta lege vën publicheda tl Buletin Ufiziel dla Region. Uni un y uni una a chël/chëla che ti spieta, à da la respeté sciche lege provinziela y da la fé respeté.