(1) L’acompagnamënt profescional di escurscionisć sön trus tarëgns, che ne superëia nia l'altëza de 2.500 metri ćina 2.800 metri sura le livel dl mer, tuć fora les vies ferates y assigurades y i dlacià, ne n’é nia sotmetü a chësta lege, sc’al ne vëgn nia fat tl cheder de organisaziuns aposta.
(2) Sciöche acompagnamënt sö por munt vëgn inće conscidré l'acompagnamënt sön i trus de azès normal ales üties de munt y l'acompagnamënt te escursciuns da d'invern sön trus batüs zënza prigo de lovines.
(3) La Junta provinziala, do avëi aldì la ćiamena profescionala provinziala di mënacrëp y la consulta provinziala por les ativitês alpinistiches, stabilësc por vigni zona dla provinzia les cuotes d'altëza preodüdes dal coma 1; ara po individué inće n tru o l'ater situé sura les cuotes suradites. La deliberaziun revardënta é da publiché tl Boletin Ofizial dla Regiun.5)