(1) La ćiamena profescionala provinziala di mënacrëp é istituida sciöche organn de autodisciplina y de autogovern dla profesciun.
(2) Dla ćiamena profescionala provinziala fej pert por lege düć i mënacrëp y i aspiranć mënacrëp scrić ite tl register profescional, sciöch’inće i mënacrëp y i aspiranć mënacrëp che à dè sö l’ativité por vedlëza o por invalidité, residënć tla provinzia.
(3) La indunada dla ćiamena profescionala provinziala é formada da düć i comëmbri dla ćiamena profescionala provinziala.
(4) La ćiamena profescionala provinziala à na junta diretiva formada da ot rapresentanć lità dai comëmbri dla ćiamena profescionala provinziala y chiris fora danter i scrić ite.
(5) La junta diretiva lîta le presidënt dla ćiamena profescionala provinziala danter i mënacrëp scrić ite tl register provinzial di mënacrëp che forma la junta diretiva.
(6) La indunada s'abina do lege n iade al ann en gaujiun dl’aprovaziun dl bilanz, y vigni iade che la junta diretiva le fej fora o sce almanco n terzo di comëmbri s'al ghira cun na domanda motivada.
(7) La junta diretiva s'abina vigni iade che le presidënt le fej fora o che almanco dui comëmbri s'al ghira cun na domanda motivada.
(8) La junta diretiva nominëia na comisciun tecnica che valutëia i contignüs tecnics y l’organisaziun di cursc preodüs dal articul 8.
(9) La verda sön laćiamena professionala provinzialadi mënacrëp vëgn eserzitada dala Junta provinziala.