3) Decret dl Presidënt dla Republica dl 31 de agost 1972, n. 6701)
Apurvazion dl test unich dla leges costituzioneles che reverda l statut speziel per l Trentin-Südtirol

(1) La Provinzies à, ti lims stabilìi dal articul 5, cumpetënza legislativa tla materia de finanza locala. 54)

(1/bis) Tla materies de si cumpetënza possa la Provinzies istituì chëutes locales nueves. Sce l ie unit istituì chëutes locales cun lege statela, possa la lege provinziela lascé pro che i ënc locai mude la alicuotes y che les vëije danora esenzions, detrazions o deduzions ti lims dl'alicuotes plu autes determinedes dala normativa statela y la possa nce udëi danora manieres de scudimënt che desviëia dai regulamënc statei. 55)

(1/ter) La partezipazions ai rendimënc y l'adiziuneles ala chëutes stateles che la leges dl Stat atribuesc ai ënc locai ti spieta ala Provinzies autonómes per i ënc locai dl teritore curespundënt. Sce na lege statela regulea l'istituzion de adiziuneles tributeres, tlamedes cochemei da pert di ënc locai, se cruzia la Provinzies dla finaliteies curespundëntes, determinan i criteres, la modaliteies y i lims d'aplicazion de chësta regulamentazion per l teritore respetif. 55)