3) Decret dl Presidënt dla Republica dl 31 de agost 1972, n. 6701)
Apurvazion dl test unich dla leges costituzioneles che reverda l statut speziel per l Trentin-Südtirol

(1) La Region y la Provinzies porta pro ala realisazion dla mires dl'avaliazion finanziera y dla solidarietà y al eserzize di dërc y di duvieres che chëstes cumporta, sciche nce al adempimënt dla ublianzes de carater finanzier, dac dant dal urdinamënt comuniter, dal pat de stabiltà ntern y dal'autra mesures de coordinamënt dla finanza publica stabilides dala normativa dl Stat:

1. tulan ju la cuntribuzion sostitutiva dla chëuta sun l valor njuntà sun la mpurtazion y l'asseniazions da leges stateles de setor,
2. tulan ju la soma ududa danora dal articul 78;
3. cun l cuntribut finanzier sëuraprò per valivé ora la finanzes publiches sëurantulan la ublianzes finanzieres che se porta pro dal eserzize de funzions stateles, nce de chëles deleghedes, determinedes a una cun l Ministere dl'economia y dla finanzes y cun l finanziamënt de scumenciadives y de proiec liei ai teritoresc de cunfin, de ndut te na mesura che monta a 100 milions de euro al ann a pië via dal ann 2010 per uni Provinzia. La sëurantëuta dla spëises de 100 milions de euro al ann vel nce canche la spëises per i ntervënc ti raions de cunfin ie per n cër ann manco che de ndut 40 milions de euro,
4. cun la modaliteies dl coordinamënt dla finanzes publiches stabilides tl coma 3.

(2) La mesures nunziedes tl coma 1 possa mé unì mudedes cun la pruzedura ududa danora dal articul 104 y nchin a si mudazion eventuela costituesceles la cuntribuzion ala arjonta dla mires dla finanza publica nunzieda tl coma 1.

(3) Per seguré la cuntribuzion ala arjonta dla mires dla finanzes publiches determinea la Region y la Provinzies adum cun l Minister dl'economia y dla finanzes la ublianzes liedes al pat de stabiltà ntern cun referimënt ai resultac de bilanz che ie da arjonjer per uni perioda de tëmp. Restan mpé la mires cumplessives dla finanza publica ti spietel ala Provinzies de stabilì la ublianzes che resultea dal pat de stabiltà ntern y da se cruzië dla funzions de coordinamënt cun referimënt ai ënc locai, a si ënc y organisms strumentei, al'aziendes saniteres, ala universiteies nia stateles nunziedes tl articul 17, coma 120 dla lege di 15 de mei 1997, n. 127, ala cameres de cumerz, ndustria, artejanat y agricultura y ai autri ënc y organisms cun urientamënt regiunel o provinziel finanziei da chëstes a na maniera urdenera. L ne vën nia aplicà la mesures adotedes per la regions y per i autri ënc sun l rest dl teritore naziunel. A pië via dal ann 2010 vën la mires dl pat de stabiltà ntern determinides tenian cont nce dla fazions positives n cont dl ndebitamënt netto che se porta pro dal'aplicazion dla despusizions nunziedes te chësc articul y dala normes de atuazion curespundëntes. La Provinzies mët a verda che i ënc nunziei te chësc coma arjonje la mires de finanza publica y eserzitea lessù l cuntrol suzessif sun la gestion ti dajan comunicazion di resultac ala sezion cumpetënta dla Chëurt di conc.

(4) La despusizions stateles sun l'atuazion dla mires d'avaliazion finanziera y de solidarietà y sun l respet dla ublianzes che se porta pro pervia dl pat de stabiltà ntern ne vën n referimënt ala region y ala Provinzies nia aplichedes y ie te uni cajo sostituides dala despusizions de chësc articul. La Region y la Provinzies se cruzia dl coordinamënt dla finanzes publiches coche les ie ududes danora ti regulamënc dl Stat, adatan si legislazion ai prinzips che costituesc i lims reprejentei dai articuli 4 y 5. 53)