3) Decret dl Presidënt dla Republica dl 31 de agost 1972, n. 6701)
Apurvazion dl test unich dla leges costituzioneles che reverda l statut speziel per l Trentin-Südtirol

(1) I bòsc de proprietà dl Stat tla Region, la minieres, la caves y la torbieres, canche al patron dl terac ti ie unida tëuta la rejon de despunibltà, la frabiches destinedes a sëntes de ufizies publics regiunei cun si mubilia y njinies, y i autri bëns destinei a n servisc publich regiunel fej ora l patrimone ndespunibl dla Region.

(2) I bëns imubii dl patrimone dl Stat che ie tla Region vën trasferìi al patrimone dla Region.

(3) Tla normes de atuazion de chësta lege unirà determinedes la modaliteies per la sëurandata da pert dl Stat di bëns nunziei dessëura.

(4) I bëns imubii nluegei tla Region che ne ie de deguni, ie dla Region.