o) BESCHLUSS DER LANDESREGIERUNG vom 15. September 1997, Nr. 4611 1)
Genehmigung des Statutes des Südtiroler Landesmuseums für Kultur und Geschichte der ladinischen Volksgruppe

(1) L Museum storich-culturel dla Provinzia de Bulsan per la grupa etnica ladina cun sënta aministrativa tl ciastel de San Martin de Tor, che da tlo inant vën tlamà "Museum Ladin Ciastel de Tor" ie unì istituì.

(2) L Museum Ladin Ciastel de Tor ie n luech storich y tl medemo tëmp n zënter per i bujëns che reverda la cultura y la storia di Ladins. L ciastel de San Martin ie, per si mpurtanza storica particularmënter adatà sciche luech de rapresentanza y de ancunteda. Per arjonjer si fins possa l Museum Ladin Ciastel de Tor nce istituì una o plu sëntes destachedes.

(3) L museum à i fins tlo cumpedei sù:

• a)  tuéda y rapresentazion dla storia dla Ladinia te n cheder lerch y interdisziplinèr. L museum se dajerà ju n particulèr cun la preistoria y la protostoria, cun l svilup geofisich, cun la storia dla cultura y di nridlamënc, cun l svilup dl turism y nsci inant ti raions ladins. La rapresentazion vën fata tres mostres permanëntes y temporeres. L lëur dl museum y la mostres dëssa tenì cont n maniera particulèra dla didatica spezifica di museums. Pra i fins dl Museum Ladin Ciastel de Tor toca ënghe la cunzezion, la planificazion y l' urganisazion de manifestazions scientifiches y cultureles,
• b)  abineda, sistemazion, cunservazion y studio de pec y materiai che ie de nterés per la storia y l svilup dl turism dla ladinia. Chisc possa unì cumprei diretamënter dal museum o dac a chësc per unì tenìi su,
• c)  ncëria y sustëni de tuédes scientifiches y publicazions che reverda i ciamps descric al pont a),
• d)  divulgazion de cunescënzes ti ciamps nunziëi tres mesuns didatichs y relazions publiches,
• e)  culaborazion cun istituzions publiches y privates che à fins analoghes, dantaldut cun i autri museums dla valedes ladines y cun l Istitut Culturel Ladin "Micurà de Rü".